WATENDAJI WA KATA NA VIJIJI WASISITIZWA UMAKINI KATIKA UKUSANYAJI WA MAPATO.

Tarehe iliyowekwa: November 1st, 2023

Baraza la Waheshimiwa Madiwani wa Halmashauri ya Wilaya ya Njombe lawataka Watendaji wa Kata kusimamia ukusanyaji wa Mapato kikamilifu.

Hayo yamesemwa na Mwenyekiti wa Halmashauri ya Wilaya ya Njombe Mhe.Valentino Hongoli leo Novemba 01, 2023 kwenye Baraza la kujadili taarifa za kata.

Katika Baraza hilo amewata Watendaji hao kutekeleza makubaliano ya kuhesabu Mbao kwa kuzingatia kila ubao kuwa hiyo itakuwa  ni moja ya mbinu nzuri ya kulinda Mapato ya Halmashauri.

"Mapato yote yanayopatikana katika Kata na vijiji ni Mali ya Halmashauri hivyo basi umakini mkubwa unahitajika Ili kuhakikisha hakuna chochote kinachopotea".Alisema Mhe.Hongoli

Aidha,Ameongeza Kwa kusisitiza ushirikiano katika utendaji kazi ikiwa ni Moja ya kuunga mkono jitihada za Mhe.Dkt.Samia Suluhu Hassan.

Nae, Kaimu Mkurugenzi Mtendaji wa Halmashauri ya Wilaya ya Njombe Ndugu.George Makacha ameahidi kuendelea kutoa ushirikiano na kuyafanyia kazi yale yote yalioagizwa hususani suala zima la kukusanya na kulinda Mapato.

Baraza hilo la kawaida limekuwa na dhumuni kubwa la kujadili masuala yote ya kwenye Kata zote za Halmashauri ya Wilaya ya Njombe.