Watahiniwa 926 kufanya mitihani ya kumaliza kidato cha nne Njombe

Tarehe iliyowekwa: November 5th, 2018

Jumla ya wanafunzi 926 wanafanya  mtihani wa kuhitimu kidato cha nne kwa mwaka 2018 katika Halmashauri ya wilaya ya Njombe.

Mtihani  huu ambao umeanza  Novemba 5 na kumalizika Novemba 23 mwaka huu, umewajumuisha   watahiniwa wavulana  311 na wasichana 615 kutoka shule 12 katika Halmashauri ya wilaya ya Njombe.

Kati ya shule 12 Zinazofanya mtihani huu 10 ni za serikali na mbili ni binafsi. Katika watahiniwa  926 wanaofanya mitihani , watahiniwa kutoka shule za serikali wako 818 na watahiniwa 108 wanatoka katika shule za binafsi.

Shule za Sekondari  zinazofanya  mitihani hii upande wa shule za serikali ni Idamba,  Ikuna,  Itipingi,  J.M Makweta,  Kidegembye, Lupembe, Manyunyu, Sovi,  Mulunga na Ninga huku shule za binafsi zikiwa ni  Collegine Girls pamoja na Mtwango.

Aidha, watahiniwa binafsi wako 37, wasichana wakiwa ni 15 na wavulana 22 ambao watafanya mitihani katika vituo viwili ambavyo viko katika shule ya Sekondari Mtwango na Lupembe.

Halmashauri tayari imefanya maandalizi yote muhimu  ikiwemo upelekaji wa mitihani na nyaraka mbalimbali katika vituo na maeneo ambayo mitihani itafanyika..

sambamba na hili Halmashauri inapenda kutoa kwa wazazi na walezi wa wanafunzi kuhakikisha wanawapatia watoto wao mahitaji muhimu yatakayowawezesha kufanya mtihani katika hali ya utulivu. Upande wa wanafunzi wanatakiwa kufanya mtihani katika hali ya utulivu na kujiepusha na vitendo vyovyote vya udanganyifu ambavyo vitapelekea kufutiwa mitihani yao.