TASAF yajenga shule ya Mfano kijiji cha Ikondo

Tarehe iliyowekwa: February 4th, 2019

Kijiji cha Ikondo kilichopo katika  Halmashauri ya Wilaya ya Njombe kipo umbali wa kilometa 90 kutoka makao Makuu ya Halmashauri ya Wilaya. Kijiji hiki kinachopatikana  katika kata ya Ikondo,Tarafa ya Lupembe kina  watu 4,025 kati yao  wanawake ni 2,228 na wanaume ni 1,797

Mwaka 2018 kupitia mfuko wa maendeleo ya jamii (TASAF)  kijiji hiki kilipewa  fursa ya kuibua miradi mitatu ya miundombinu.

Kupiti fursa hiyo kilichagua ujenzi wa madarasa 5, matundu 12 ya vyoo ofisi moja ya walimu pamoja na nyumba mbili za walimu (Two in one) zimejengwa kwa awamu na  zinagharimu kiasi cha 215,627,896.80

Mradi wa Ujenzi wa Madarasa 3 na matundu 6 ya vyoo umegharimu  kiasi cha 72,041,202.36, Mradi wa Ujenzi wa Madarasa 2,Ofisi moja  ya walimu na matundu 6 ya vyoo huku mradi wa ujenzi wa nyumba 2 (two in one) za walimu na vyoo ukigharimu zaidi ya milioni 71.

Madarasa yanayojengwa  yanahusisha  madawati na fenicha nyingine muhimu kwa ajili ya wanafunzi kuwa na mazingira bora ya kujifunzia  pamoja na walimu kufundisha.

Kutokana na uhitaji mkubwa wa shule wananchi wa walipangiana zamu katika kufanya shughuli mbalimbali ikiwemo kuchimba msingi, kuleta mawe pamoja na kufyatua tofali.

Kwa sasa ujenzi umepamba moto ambapo tayari madarasa matatu pamoja na vyoo 6 vimekamilika huku madarasa yaliyobaki yako katika hatua za ukamilishaji  na mwezi Februari wanafunzi wataanza kusoma.

Mbali na kupata faida ya kujengewa shule na TASAF, kijiji cha ikondo kina wanufaika Jumla ya kaya za walengwa 202 zimehawilishiwa fedha  kiasi cha  shilingi 109,948,000.00 kwa awamu 20 za malipo.

Fedha hizo zimewawezesha kufanya shughuli mbalimbali ikiwemo kilimo na kufuga na kujiongezea kipato.