MAFUNZO KWA MAAFISA WATENDAJI WA UANDIKISHAJI NGAZI YA KATA (ARO KATA) KUHUSU UBORESHAJI WA DAFTARI LA KUDUMU LA WAPIGA KURA)

Tarehe iliyowekwa: January 5th, 2025

 Jimbo la Lupembe, leo Januari 05,2024 limeendesha Mafunzo kwa  Watendaji wa Uandikishaji wa ngazi ya Kata (ARO KATA) kuhusu uboreshaji wa Daftari la Kudumu la Wapiga Kura.

Mafunzo hayo yanaendeshwa na Maafisa Watendaji wa Uandikishaji  ngazi ya Jimbo na kuhudhuriwa na Maafisa ngazi ya Mkoa na kutoka Tume huru ya Uchaguzi..

Akifungua mafunzo hayo Afisa mwandikishaji wa Jimbo la Lupembe, Mkoa wa Njombe Ndugu Cassian Nkunga amewataka Watendaji hao kufanyakazi kwa umakini na weledi ili kuhakikisha Wananchi

 wote wanaotakiwa kuandikishwa kwenye Daftari la Kudumu la Mpiga Kura wanafikiwa.

Awali Watendaji hao waliweza kupatiwa Kiapo cha utii na kutunza siri kilichotolewa na Ndugu Godfrey Msemwa, Hakimu wa Mahakama ya Lupembe.

Jumla ya Watendaji wa Uboreshaji 12  kutoka Kata 12 za Jimbo la Lupembe lenye jumla ya vijiji 45 na Vitongoji 227 wanapatiwa Mafunzo hayo ambayo yatatolewa kwa muda wa Siku Mbili (2) Tarehe 5-6/01/2025